Kreu i Grupit Parlamentar të PD-së, Gazment Bardhi, ka deklaruar për mediat, pas përfundimit të tubimit poshtë banesës së ish-kryeministrit Sali Berisha, se PD është e bashkuar.
Deputeti demokrat iu bashkua tubimit, pas më shumë se 1 muaji, që nga momenti kur mbështetësit e ish-Kryeministrit nisën të protestonin në atë që e pagëzuan si “Rruga e Shpresës”.
Bardhi u shpreh se grupi parlamentar, por edhe Partia Demokratike në tërësi është e bashkuar.
Ai tha se pas aksioni në Parlament, demokratët do duhet të ndërtojnë edhe aksionin jashtë tij, për të cilin do të duhet shumë punë.
“Grupi parlamentar i PD dhe PD në tërësi është e bashkuar. Ne kemi vetëm një detyrë, pas aksionit në Parlament, na duhet të ndërtojmë edhe aksionin jashtë tij.
Ka shumë punë për t’u forcuar, por një gjë është e sigurtë: PD është e bashkuar”, u shpreh Bardhi.
Discussion about this post