Gazment Bardhi, kryetar i Grupit Parlamentar i PD-së, tha se kjo parti nuk ka drejtues, kjo bazuar në vendimin e Këshillit Kombëtar.
Në emisionin “Open”, Bardhi tha se Lulzim Basha ka prodhuar një vulë, ka marrë edhe një printer e një kompjuter, por kjo nuk e bën kryetar.
“Vendimi i Këshillit Kombëtar të PD ka marrë një vendim, i depozituar në Gjykatë. Ky Këshill është i vetmi institucion legjitim i PD-së, i regjistruar në Gjykatë. Janë 4 çështje që ndodhen në Gjykatë që vendosin në dyshim legjitimitetin e çdo grupimi që pretendon se drejton PD-në.
Logon dhe vulën nuk e disponon juridikisht Lulzim Basha. Nëse Basha beson se është zgjedhur kryetar, le të dorëzojë dokumentet në Gjykatë.
Basha po kryen veprime në mashtrim të ligjit, po shfrytëzon një regjistrim të kohëve më parë, që në 2021”, tha Bardhi.
Ai u shpreh se juridikisht çështja e logos dhe vulës janë të ngrira, ndaj i bëj thirrje institucioneve të drejtësisë që të marrin në shqyrtim çështjet që ndodhen.
Bardhi ripërsëriti akuzat se familjarët e Lulzim Bashës kanë marrë në dorëzim si pronarë në një nga kullat më të shtrenjta të Tiranës.
“Kanë zhvendosur bizneset e tyre në këtë kullë, pallati është aty, Basha ngeli duke shkuar në zyrën arkitekturore, pasi ende nuk ka përfunduar pjesën e banimit”, tha Bardhi.
Lidhur me vendimin për përjashtimin e tij nga partia që drejton Basha, Bardhi tha se ky vendim është qesharak, dhe shkak është bërë debati i tij me Bashën në Kuvend.
“Kemi filluar të mësohemi, sepse këto akte që vetëm të bëjnë për të qeshur, përsëriten dhe kthehen në rutinë dhe nuk duhen marrë seriozisht. Edhe ky akt nuk duhet të merret seriozisht, tërësisht qesharak, pa vlerë, i panevojshëm, i palogjikshëm, dhe për motive personale të Bashës.
Ka pasur një debat mes meje dhe Bashës, i nxitur prej tij, ka marrë një përgjigje me disa të vërteta, dhe mesa duket nuk është mësuar të përballet me të vërteta dhe lëshon fletërrufe pa asnjë vlerë, as politike dhe as ligjore. Nuk ka asnjë përjashtim as nga PD dhe as nga Grupi. Ka disa letra… do duhet të përfaqësosh partinë që përmes atyre letra të sjellës efekt. Basha ka marrë një kompjuter dhe printer, ka prodhuar dhe një vulë. Aktualisht PD nuk ka drejtues”, u shpreh Bardhi.
Bardhi akuzoi Bashën se pasi artikulon akuza ndaj biznesmenëve shkon edhe i kërkon falje në parkime. “Z. Basha ka n xhep dy kate nga kulla më e shtrenjtë, jam gati të përballem në Gjykatë me të”, tha Bardhi.
Discussion about this post