Lulzim Basha dhe Gazment Bardhi duket se kanë pasur një bisedë të tensionuar në sallën e Kuvendit.
Basha dhe bardhi ishin ulur pranë njëri-tjetrit në Kuvend, ku janë përfshirë në një bisedë të tensionuar, në prani edhe të deputetëve të tjerë.
Sipas raportimeve, shkak për bisedën e tensionuar janë zhvillimet më të fundit në PD, ku Lulzim Basha është shpallur edhe kryetar i grupit parlamentar të PD-së. Bardhi ka replikuar me Bashën për disa sekonda dhe më pas ka marrë fjalën në sallën e Kuvendit.
Gazment Bardhi duke marrë fjalën në Kuvend tha se “ta harroni që kreun e grupit parlamentar të PD-së mund ta caktojë Lindita Nikolli, Edi Rama apo Erion Veliaj. Ditën që kjo do të ndodhë, duhet ti bëni llogaritë mirë, pasi askush mund të tallet më me opozitën”. Bardhi tha se është një lojë qesharake mes Kryetares së Kuvendit dhe dikujt që u vetëshpall Kryetar i PD-së dhe më pas do e dëgjoni kur ta vetëshpallë veten Mbret të Anglisë apo Kryeministër.
“Kryetar i Grupit Parlamentar të PD zgjidhet nga anëtarët e grupit parlamentar, nga deputetët. Nuk zgjidhet as nga Kryeministri, as nga Kryeparlamentarja, as nga Grupi i PS-së”, tha Bardhi.
Ndërkohë Edi Paloka u shpreh se kjo që po ndodh është anormale. “Po sikur unë të mbledh 2 mijë njerëz, ta quaj Kuvend Kombëtar, pastaj të vij në Kuvend dhe të paraqes një copë letër dhe të them se jam Kryetar i PS-së, Kryetar i Grupit Parlamentar të PS-së etj etj, atëherë çdo bëni ju do më pranoni si kryetar”, u shpreh palooka, duke ironizuar në këtë mënyrë edhe shkresën që Lulzim Basha ka depozituar në Kuvend, ku emëron veten si kryetar grupi.
Discussion about this post