Sekretari i Përgjithshëm i Partisë Demokratike, Gazment Bardhi është përplasur ditën e sotme në Kuvend me ministren e Shëndetësise, Ogerta Manastirliu.
Tema e cila ka sjellë dhe përplasjen mes Bardhit dhe ministres ishte pikërisht për procesin e vaksinimit. Sipas demokratit, ministria po gënjen pasi janë vaksinuar vetëm 28% e qytetarëve shqiptarë e jo 36% siç raporton ministria Manastirliu.
Bardhi dëgjohet t’i jetë drejtuar Manastirliut me fjalët: “28%, janë qytetarët shqiptarë të vaksinuar e jo 36% siç ti raporton në të gjitha komisionet parlamentare.”
Sipas Sekretarit të Përgjithshëm të Partisë Demokratike, Manastirliu fillimisht akuzonte opozitën se po gënjente, por më pas e ka pranuar se shifrat zyrtare janë pikërisht 28%.
“Jemi vendi i parafundit në rajon. Na e ka kaluar Kosova, Maqedonia e të gjitha vendet e tjera, me përjashtim të Bosnjes. Eja jep llogari se pse jemi të fundit, më pas mund të akuzosh opozitën”, dëgjohet të jetë shprehur Gazment Bardhi.
