Demokrati Gazment Bardhi ka hedhur akuza ndaj ministrit socialist Ulsi Manja. Në seancën dëgjimore në komision të ligjeve për hartën e re gjyqësore, Deputeti i PD-së, Gazment Bardhi tha se KLGJ duhet të japë argumente që nuk është një vendim i kryeministrit Edi Rama.
Ndërhyrja e ministrit Manja, ka bërë që deputeti demokrat Bardhi të hedhë akuza mbi të duke e konsideruar vrasës.
Pjesë nga debati:
I pyetët qytetarët e Bulqizës, të Malësi së Madhe etj. U ngritët në mëngjes…Jo se nuk ke pyetur asnjë. Ditën që ike nga zyra dyfishove tarifat për qytetarët shqiptarë dhe që e kemi fituar në Gjykatë të Apelit. Ky është shqetësimi që ke ti për shqiptarët. Nuk dua përgjigje prej teje se e ka dhënë Gjykata e Apelit me vendim. Të ka rrëzuar udhëzimin e përbashkët për tarifat që ke firmosur me Ministrin e Financave. Dhe vjen këtu dhe flet për shqetësimet e qytetarëve. Unë kam ardhur me shumë seriozitet për të diskutuar për hartën. Është një proces që është ndarë mes KLGJ dhe ministrit të Drejtësisë për buxhetimin dhe logjistikën e hartës.
Bardhi-Manjës: Ti duhet të ishe në burg
Manja: Unë s’jam vrasës
Bardhi: Je më shumë sesa vrasës, ti je vrasës dhe hajdut
Manja: unë nuk i kam duar të lyera me gjak. As xhaketën se kam të lyer me gjak dhe nuk e fus familjet shqiptare në konflikt
Discussion about this post