Ishte parashikuar që këtë të mërkurë në orën 10 të mbahej konferenca e kryetarëve. Pjesa e parë do të ishte e hapur për mediat ku do të prezantohet projektbuxheti nga ministri i financave.
Ndërsa pritej që deputetët e PD të ishin të pranishëm në këtë mbledhje, këta të fundit nuk po e lejojnë fillimin e saj.
Brenda kryesisë së Kuvendit ndodhet gjithashtu edhe Gazment Bardhi, i cili është i përjashtuar me 10 ditë. Bardhi ka tentuar të hyjë në mbledhjen e konferencës së kryetarëve.
Ai ka debatuar dhe me kryeparlamentaren Lindita Nikolla.
Për ça më ke përjashtuar? Ça kam bërë që jam përjashtuar…Si qenka kjo rregullore. Po ti ke dy muaj që merresh me mua…”, dëgjohet teksa i thotë Bardhi, Nikollës.
Deputetët e opozitës, përkatësisht mbështetësit e Berishës dhe të Bardhit, ndodhen aty për të bllokuar edhe mbledhjen e Konferencës së Kryetarëve. Deputetët e opozitës kanë vendosur që veprimtaria parlamentare të bllokohet deri në momentin kur mazhoranca të plotësojë kërkesat e tyre siç janë komisionet hetimore si dhe ndryshimi i anëtarëve të Komisionit të Reformës Zgjedhore.
Të gjitha përpjekjet bëhen që të bllokojnë punimet në Konferencën e Kryetarëve.
Discussion about this post