Kreu i grupit parlamentar i Partisë Demokratike, Gazment Bardhi tha se opozita ka dorëzuar një kërkesë për mocion me debat me kryeministrin Edi Rama, për akuzat që ka ngritur emisioni Report në RAI3.
“Të hënën grupi parlamentar i PD ka depozituar një kërkesë për mocion me debat mbi lidhjet e politikës me krimit. 2013-2017 grupi ynë denoncoi individë me rekorde kriminale që me mbështetjen e Ramës dhe PS ia kishin dalë të penetronin në nivelet më të larta të shtetit duke u zgjedhur deputetë apo kryetarë bashkie”-tha Bardhi.
Në një konferencë për mediat pas mbledhjes së Grupit, Gazment Bardhi ftoi qytetarët të marrin pjesë të protesta që ka thirrur opozita ditën e nesërme, ndërsa foli edhe për komisionin e TIMS të zhvilluar dje.
“Nuk pajtohemi kurrë që qeveria të miratojë ligje, të japë tendera dhe të fuqizojë grupet kriminale. I bëj thirrje kryetares së Kuvendit të zbatojë rregulloren, kërkesa për zhvillimin e një mocioni me debat për një temë që shqetëson shqiptarët, do të duhet të kishte bërë mbledhjen për të caktuar kohën e debatit.
Nëse mendon se do t’ia hedhë sa herë që Rama ka qenë në vështirësi duke injoruar kërkesat e grupit parlamentar të PD, do ishte e papranueshme ne.
Rama ka zgjedhur të ketë kontratë me përfaqësuesit e grupeve më të rrezikshme kriminale në vend. Kjo çështje duhet të jetë në rendin e ditës, deputetët do të duhet të trajtojnë me përgjegjshmëri situatën e rëndë ku ndodhet vendi dhe të kemi mundësi të bëjmë propozimin tonë sesi do të shkëputen fijet e pushtetit me krimin e organizuar.
Qytetarët dje nuk kishin mundësi të ndiqnin atë që ka ndodhur në Komisionin hetimor për TIMS por dëshmitë e zyrtarëve janë tronditëse.
Ndaj duan mbylljen e dyerve të Komisionit sepse kanë përdorur një sistem të sigurisë kombëtare për ti shërbyer grupeve kriminale, kanë fshirë të dhënave sipas interesit të tyre që ata të kalojnë e të arratisen që kur të nxjerrë urdhërat SPAK të mos jenë në Shqipëri por në Dubai. Është projekt politik, Rama ka ardhur në pushtet me krimin e organizuar.
I keqpërdor në zgjedhje dhe i përball me qytetarët. Kush mendon se do i ikë më propagandë kësaj çështje, konfirmoj se kjo nuk do të ndodhë. Rama është përgjegjës për forcimin e krimit të organizuar, ja priteni kur të shpallë ndonjë iniciativë për të luftuar krimin e organizuar.
Discussion about this post