Gazment Bardhi, i cili është caktuar nga grupimi i deputetëve që përfaqësojnë PD-në e vulës, në krye të Grupit Parlamentar, tha në emisionin “Të Paekspozuarit” se rezultati i 14 majit nuk ishte surprizë.
Bardhi tha se prej 18 muajsh PD nuk ka funksionuar për shkak të konflikteve të brendshme, ndaj dhe askush nuk ka pse të habitet nga ky rezultat.
Ai tha se në zgjedhjet e pjesshme për kryebashkiak në 6 mars 2022, opozita fitoi Shkodrën, e cila përfaqëson 5 % të popullsisë, ndërkohë që në 14 maj, ishte e gjithë opozita në zgjedhje, dhe u fituan vetëm 7 bashki, që përbëjnë 5 % të popullsisë.
Bardhi tha se në 14 maj rreth 280 mijë votues të djathtë, për shkak edhe të konfliktit tonë të brendshëm, nuk morën pjesë në votime.
Discussion about this post