Pasi publikoi 5004 emrat e delegatëve që morën pjesë në Kuvendin e 18 dhjetorit, Bardhi hodhi akuza ndaj mbledhjes së 11 dhjetorit të thirrur nga ish-kryeministri Berisha, duke thënë se 11 dhjetori nuk ishte transparent.
Bardhi sulmoi Berishën duke thënë se më 11 dhjetor nuk u lejuan as gazetarët brenda në stadium, duke thënë se në veprimtarinë e çdo celule ilegale ka zero transparencë.
“Kuvendi ka 7646 anëtarë. Unë nuk futem në asnjë sistem privat, nuk mbledh të dhëna që kushdo mund t’i ketë për interesat e tij. PD ka institucione dhe cilido që pretendon se ka një rol për të luajtur duhet të jetë brenda institucioneve. Unë kujtoj që ditën kur u mbyllën formularët në kasafortën personale të Palokës juve u tha se do të kishte një proces të leximit të emrave dhe ju jeni dëshmitar se kjo nuk ndodhi. Madje për herë të parë nuk lejuan gazetarët në një tubim edhe pse u premtua transparencë. Kjo nuk ka ndodhur kurrë. Në vend të transparencës u kyçën dyert, por po të kishin pasur mundësi edhe ju do ju kyçnin në kasafortë ashtu si formularët. Pra ka zero transparencë ne veprimtarinë e çdo celule ilegale. Por ne kemi bërë transparencë hapa pas hapi dhe ju ishit dëshmitar”, tha Bardhi.
Discussion about this post