Anëtarja e Këshillit Kombëtar të PD, Silvi Bardhi, nga studio e Ora News, ka hedhur dyshime lidhur me manipulimin e votave në Elbasan.
Ajo tha se e ka pasur të pamundur që ta shihte votën e saj elektronike në Elbasan.
Bardhi u shpreh se votimi elektronik ishte totalisht i manipuluar.
“Unë votoj në Elbasan dhe votova në mënyrë elektronike. Unë e kam pasur të pamundur që ta shohësh se çfarë kam votuar pasi nuk e shihja në printim. Prandaj mendoj se votimi elektronik ishte totalisht i manipuluar.
Unë si votuese e pash si të pamundur që ta shoh se kë kam votuar. Po ashtu edhe një person tjetër nuk votonte dot dhe erdhi dikush tjetër për ta ndihmuar. Unë mendoj se ne duhet të dilnim të veçuar në zgjedhja, edhe pse mendoj se duhet të kemi në koalicion”, tha Bardhi.
Discussion about this post