Bare dëmtohet në gju, humbet edhe ndeshjet me Shqipërinë në Ligën e Kombeve

Keidi Bare është dëmtuar në ndeshjen e fundit të LaLiga, që Espanyol luajti kundër Rayo Vallecano.

Për mesfushorin e kombëtares shqiptare, i cili ka qenë më parë edhe pjesë e skuadrës së Atletico Madrid, do të ketë një ndalesë të gjatë.

“SportEkspres.com” shkruan se fieraku do të qëndrojë jashtë fushave të blerta për tetë javë, për shkak të problemit në gju.

Fatmirësisht Bare e ka shmangur operacionin, ndërkohë që prej këtij dëmtimi ai me shumë mundësi nuk do të jetë as në sfidat e Ligës së Kombeve me Shqipërisë.