Skuadra e Keidi Bares do të ndeshjet mbrëmjen e sotme në orën 21:00 me Cadiz për javën e nëntë të kampionatit të La Ligas.
Shqiptari kaloi një fazë shumë të mirë me Kombëtaren shqiptare në kualifikueset e Botërorit ‘Katar 2022’ duke qenë titullar i padiskutueshëm në çdo takim të ‘Kuqezinjve’. Mesfushori zhvilloi ndeshje të bukura dhe dha shpirtin në fushë duke vrapuar pa u ndalur asnjë moment.
Performanca e tij me përfaqësuesen shqiptare nuk kishte sesi të mos i ketë rënë në sy drejtuesve të Espanyol, por megjithatë ai nuk do të luajë në këtë sfidë për shkak se është i dëmtuar.
Kjo do jetë një mungesë e madhe për Espanyolin, pasi shqiptari shihet si një element i rëndësishëm i saj.
Aktualisht Espanyol renditet në vend të 13 dhe në 8 ndeshje të luajtura ka grumbulluar vetëm 9 pikë, teksa kundërshtarët e tyre të sotëm, Cadiz renditet në vend të 15 dhe deri më tani ka vetëm 7 pikë. /K.T/Gijotina.com
