Inter nuk ka ndërmend të heqë dorë nga Nikolo Barela.
Mesfushori ka qenë në radarët e Liverpulit e Mançester Junajtidit, edhe pse kanë munguar ofertat zyrtare për të.
Zikaltrit e vlerësojnë me 80 milionë euro kartonin e 26-vjeçari, por përveç kostos së tij, ajo që pritet të bëjë diferencën në fatet e merkatos do të jetë vullneti i vetë lojtarit.
Sipas “Sky Sports”, burime pranë mesfushorit kanë rrëfyer se vetë Barela do të refuzojë çdo lloj oferte që mund të vijë në drejtim të tij, pasi synimi i vetëm është të bëhet një flamur i Interit.
Pas largimit të mundshëm të Handanoviçi, kontrata e të cilit skadoi dje, tashmë do të ketë një garë mes Barelës dhe Lautaros për të qenë kapiteni i ardhshëm i Interit, me argjentinasin më të favorizuar.
Barela është një ndër liderët e Interit brenda dhe jashtë fushës, një status të cilin mesfushori nuk është gati ta humbasë as për një rrogë më të lartë se 6 milionë eurot që përfiton tani dhe që në Angli mund të jetë më shumë se e mundur.
Discussion about this post