Ish-presidenti i skuadrës së Barcelonës, Josep Maria Bartomeu ka kritikuar ashpër kreun e katalanasve Juan Laportën. Ai ka theksuar se ky i fundit është fajtor për largimin e Lionel Messit.
“Këtë verë ata lejuan që Leo Messi të largohet dhe ky ishte vendim i keq. Të luash pa Leo Messin do të thotë se shumë gjëra duhet të ndryshojnë. Si president nuk doja që Messi të ikte dhe bëra gjithçka të mundshme, të gjitha përpjekjet, në mënyrë që Leo të mos largohej nga klubi”, deklaroi Bartomeu.
