Deputeti i Partisë Demokratike, Agron Gjekmarkaj, përmes një mesazhi në studion e emisionit “Open”, ku ishte i ftuar Gazment Bardhi dhe është debatuar për zhvillimet në PD, propozon krijimin e një federate të opozitës, ndërsa vë theksin për një figurë të re politike që duhet të drejtojë opozitën shqiptare.
Gjekmarkaj u shpreh se përjashtimi i Gazment Bardhit nga Lulzim Basha është “nul” dhe se opozitës tanimë i duhet një figurë e re dhe karizmatike për t’u përballur me Edi Ramën.
“Përjashtimi i Bardhit është nul, ai i uruari është një kujtim dhe një shaka e Sali Berishës dhe mirë ia bën.
Bardhin e mbështesim për diçka më të madhe se vula e firma, por për strategjitë e opozitarizmit.
Shqipëria ka nevojë për opozitë jetike. Nëse nuk përfaqësojmë çdo zë opozitar në këtë vend, nuk meritojmë të jemi përfaqësues.
Duhet një federatë e opozitës, një front, një kandidat për kryeministër, një figurë karizmatike e re për tu përballur me Edi Ramën.
Berisha është faktor kryesor opozitar, shumë vota janë të tijat dhe jo të besnikëve të tij. Atij i takon të marrë vendime të mëdha.
Basha të heqë dorë nga të qenit ambasador i Taos dhe ti kthehet opozitës. Siç e ka thënë intelektuali i shquari Nard Ndoka, ne donim ta bënim kryeministër, ai u bë legeni i kryeministrit”, thuhet në mesazhin e Gjekmarkajt.
Discussion about this post