Kreu i Partisë Demokratike Lulzim Basha do të mbledhë sot në orën 18:00 Kryesinë. Mbledhja e Kryesisë së PD vjen ndërkohë që ish-kryeministri Sali Berisha thirri Kuvendin që ka nisur procesin për shkarkimin e Lulzim Bashës. Kjo është lëvizja e dytë brenda ditës së sotme që bënë kreu i PD-së, pasi rreth orës 12:00 Basha zhvilloi një ceremoni në selinë blu me rastin e ditëlindjes së 31-të të PD-së.
Kryedemokrati u shpreh më herët se kjo ditëlindje i gjen demokratët të thyer dhe të dyjëzuar pasi ish-kryeministri Berisha vendosi interesin personal mbi interesat e demokratëve.
Po ashtu Basha deklaroi se “kulti i individit që tërhoqëm zvarrë më 20 shkurt nuk do të ngrihet në asnjë formë tjetër”.
Nuk dihet ende se çfarë do të diskutohet në këtë mbledhje, por temë kryesore pritet të jetë Kuvendi i thirrur nga Berisha dhe vendimet e marra aty.
Discussion about this post