Lulzim Basha mbajti qëndrimin e tij në lidhje me protestën e sotme, duke u shprehur se Sali Berisha dhe organizata e tij kriminale tentuan që të nënshtronin selinë e PD-së. Sipas tij, kjo protestë ka qenë e përkrahur edhe nga kryeministri Edi Rama, duke e quajtur këtë të fundit bashkë me Berishën si “vëllezërit siamezë”.
Sipas tij, policia nuk veproi si duhet pasi ishte e komanduar nga zëri i Ramës. “Sot e tutje edhe më shumë se vendimet e Këshillit Kombëtar, Partia Demokratike ka treguar qartë se di të lahet nga e shkuara, sot është shpalosur fare qartë edhe fakti se Sali Berisha e Edi Rama janë dy vëllezër siamezë, njëri manipulon zgjedhjet e dhunon demokratët dhe tjetri nuk lë moment pa ushtruar dhunë për ta përdorur PD-në si bunker për tu fshehur nga non-grata e rrethi i tij i ngushtë.
Demokratët u përdorën përfundimisht si mish për top, mediat e kapura dhe analistët e paguar prej tij. Çfarë po ndodhte këtu ishte në sy të të gjithë botës, por jo në të policisë. Në veshët e tyre ushtronte zëri i Edi Ramës, me përmbysjen e skenarëve, zaptimot të shtëpisë së lirisë, gjakderdhjes dhe shkaktimit të viktimave e zbulimit haptaz të vëllezërve siamezë, prapë demokratët kanë një arsye për të mbajtur kokën lart”, tha Basha.
Në protestën e sotme ka pasur përplasje të forta jo vetëm mes simpatizantëve demokrat, por edhe me policinë, ndërsa protestuesit kanë akuzuar forcat e policisë se i dhunuan dhe i ‘verbuan’ me gazlotësjellës.
Discussion about this post