Lulzim Basha ka takuar mbështetësit e tij në njësisë Administrative Nr.2, në kuadrin e takimeve që po zhvillon për zgjedhjet e 29 korrikut, ku PD e vulës do të zgjedhë kryetarin, në një garë pothuajse të paracaktuar mes ish-kryetarit të kësaj partie dhe Gjergji Hanit.
Basha u shpreh se fokusi i platformës së tij është kthimi i besimit te shqiptarët për votën dhe politikën, duke i ofruar alternativën më të mirë qeverisëse.
Ai thekson se PD do të ofrojë një model tjetër politikbërje, ku citon “Aleancë Qytetare për Demokracinë, do të jetë koalicioni ynë për të çliruar ekonominë dhe për të çuar përpara ndryshimet kushtetuese që do të zhbëjnë ato të 2008-ës”.
Postimi i plotë:
Fokusi i platformës tonë për ndryshim është tek e ardhmja, për t’u kthyer shqiptarëve besimin te vota dhe politika dhe për ta kthyer Partinë Demokratike në alternativën qeverisëse që shqiptarët meritojnë.
Ne do të përkushtojmë çdo energji në hapjen, vitalizimin dhe modernizimin e strukturave të Partisë Demokratike.
Sot ne kemi përgjegjësinë të japim një model tjetër në politikbërjen e vendit, që ka në fokus shpresat dhe ëndrrat e njerëzve, jo hallet e pak politikanëve.
Aleancë Qytetare për Demokracinë, do të jetë koalicioni ynë për të çliruar ekonominë dhe për të çuar përpara ndryshimet kushtetuese që do të zhbëjnë ato të 2008-ës, duke mundësuar:
✅ Listat e hapura;
✅ Vetting-un e politikanëve;
✅ Votën e diasporës;
✅ Kufizimin e mandateteve.
Partia Demokratike mund të sjellë këtë ndryshim, në bashkëpunim të ngushtë me qytetarët dhe partnerët tanë ndërkombëtarë, duke i dhënë çdo shqiptari fuqinë për të ndërtuar të ardhmen që meriton!
Discussion about this post