Nga selia blu, teksa foli për skandalin e inceneratorëve dhe arrestimin e ish-ministrit Lefter Koka, kreu demokrat Lulzim Basha hodhi akuza ndaj ish-kryeministrit Sali Berisha për periudhën e tij në pushtet.
Basha tha para mediave se edhe ish-qeverisja e PD ka pasur korrupsion, ndërsa tha se është i vendosur të ecë përpara dhe PD të shkëputet nga e kaluara.
“E di që shpesh kjo retorikë mund të duket bajate, sepse edhe ish-qeverisja e PD ka pasur pjesën e saj në këtë plagë të madhe për gjithë shoqërinë!!! Por ne jemi të vendosur të ecim përpara, të shkëputemi nga e kaluara jonë e keqe, dhe te zgjedhim të ardhmen që vetëm ne mund ta sjellim për shqiptarët”, tha Basha.
Discussion about this post