Agron Shehaj ka vlerësuar parregullsi në procesin zgjedhor të Partisë Demokratike, ndërsa u shpreh se rezultati ishte i qartë.
‘Rezultati ishte i qartë. Pritshmërite e mia ishin shumë më të mëdhaja. Basha do të jetë kryetari. 15% nuk reflekton mbështetjen që u kam në kryesi. Ka patur parregullsi. Kanë qenë të lidhura me faktin se me dhjetëra demokratë janë përjashtuar. Vëzhguesit e mi nuk patën mundësi të verifikojnë kush po voton,” u shpreh Shehaj në emisionin “Opinion”.
I pyetur për deklaratën e Lulzim Bashës, u cili i ftoi rivalët e tij të bashkojnë forcat, Shehaj tha se ata bashkë janë në PD.
“Ne bashkë jemi. Nuk jemi ndarë ndonjëherë. Kjo ishte një garë brenda PD-së. Pothuaj se të gjithë deputetë dhe kryetarët e degëve nuk kanë qenë me mua. Nuk i gjykoj. Kështu është. secili vendos sipas rrethanave,” u shpreh ai.
