Kryetari i Partisë Demokratike, Lulzim Basha tha se partia funksionon mbi disa rregulla dhe s’ka kuvende paralele, në PD nuk ka dy vendime. Sipas tij, nuk ka rëndësi çfarë ndodh në 11 por PD ka Kuvend më 18 dhjetor, pasi firmat janë mbyllur në kasafortë, kryesia vendosi sipas statutit më 18 dhjetor. Basha ka thënë se ka ardhur koha që t’i japim fund mospranimin e mendimit ndryshe.
“Qytetarët që nuk e kanë kuptuar, PD vepron në bazë bën rregullave që funksionon disa rregulla, s’ka kuvende paralele, në PD nuk ka dy vendime. Nuk ka rëndësi çfarë ndodh në 11 por ne kemi Kuvend më 18 dhjetor. Firmat janë mbyllur në kasafortë, kryesia vendosi sipas statutit më 18 dhjetor.
Vij nga takime me dhjetëra demokratë, unë e dëgjoj çdo demokrat jam i hapur të dëgjoj të gjithë. Vullneti politik i demokratëve kanalizohet përmes statutit, duhet të marrë formë përmes shprehjes së votës së tyre, kjo do të ndodhë edhe më 18 dhjetor” – është shprehur Basha.
Ai më tej ka thënë se shpallja e Kuvendit nuk është kompetencë e të gjithëve dhe për këtë ai ftoi të gjithë demokratët e pakënaqur me të që të marrin pjesë në Kuvendin e 18 dhjetorit.
“Shpallja e Kuvendit nuk është kompetencë e të gjithëve. Unë jam përpjekur gjatë viteve të vendos një standard që besojnë shumica e shqiptarëve. Nuk është hera e parë që ka ndodhur diçka e tillë në PD apo në ndonjë parti tjetër politike. Unë po vendos një standard se si duhet të sillet një politikan që do të udhëheqë vendin drejt Europës. Demokratët që janë të pakënaqur dhe që kërkojnë ndryshimin përballë një regjimi. Në funksion të kësaj ne jemi të hapur të gjithë institucionet e partisë dhe i kemi ftuar që të bëhen pjesë e rendit të ditës. Vullneti i çdo demokrati duhet të dëgjohet përmes rregullave që kemi brenda PD.
Kuvendi më 18 dhjetor është i hapur për të gjithë ata që mendojnë ndryshe, rendi i ditës përcaktohet në përpikmëri me statutin , nuk mund të ndryshosh me fjalë direk. Kultura e tranzicionit duhet të marrë fund që nuk toleron mendimin ndryshe. Kultura e bullizimit kjo është pjesa më e herët e kësaj periudhe” – tha Basha.
Discussion about this post