Vetëm pak minuta pasi Sali Berisha me mbështetësit e tij shqelmuan dyert e Partisë Demokratike, ka reaguar kryedemokrati Lulzim Basha. Në një konferencë për shtyp, Basha tha në dëshpërim po zbrazet në selinë e PD-së me njerëz të krimit. Ai tha se PD nuk do të merret më gjatë më këto veprime banditësh, pasi ka fokusin te Inceneratorët.
“Sali Berisha vazhdon që të jetë një tub oksigjeni që mban qeverinë. Është bërë pengesë edhe për hetimin e inceneratorëve. Në vend të merremi me vjedhjen e shekullit, e të shohim në pranga të gjithë ata anëtarë të kabinetit, prej Sali Berishës sot po merremi prap me Sali Berishën. Nga dëshpërimi për dështimin e një lëvizje falco e personale po zbrazet në dyert e PD-së i shoqëruar nga njerëz me precedentë penalë. Në praninë e një familjari të tij, Fatjon Dautaj i skeduar dhe i kërkuar nga policia, shkelmoi dyert. Informacioni do ti paraqitet zyrës britanike. Hyrja e dhunshme në zyra ekspozon dëshpërimin e Sali Berishës. PD i ka të gjitha mundësitë të mbrojte integritetin e institucionit nëse dikush mund ta I kërkojmë prokurorisë ta arrestojë”, tha Basha, ndërsa theksoi se Berisha po i “bën nder” Ramës, për të mbuluar problemet e tij personale.
Discussion about this post