Migjen Basha është i hapur për të provuar një aventurë në futbollin shqiptar.
“Jam lojtar i lirë sepse e kam vendosur vetë të jem i lirë. Ndoshta nuk beson askush, por nëse nuk më pëlqen oferta, nuk e pranoj edhe nëse nuk kam oferta konkrete nga të tjera klube. Personalisht, tashmë jam duke e menduar mirë të ardhmen dhe qëllimi është që të gjej një projekt që më pëlqen, të luaj futboll dhe në të njëjtën kohë të kem mundësinë të bëj diplomën A për trajner. Kjo do të ishte perfekte si zgjidhje. Të paktën këtë ide kam për momentin, por sa do të më realizohet, nuk e di. Duhet të presim deri në fund.
Mua më duket sikur çdo vit del emri im në Shqipëri (qesh…). E vërteta është se deri këtë vit nuk ka pasuar asnjëherë diçka të vërtetë.
Nuk e di, ndoshta një eksperiencë në Shqipëri do të jetë e mirë. Ta shohim…
Normal që më mungon Kombëtarja dhe këtë e kam ditur që para se ta merrja vendimin për t’u tërhequr nga ajo. Emocionet e Kombëtares nuk i gjen tek asnjë klub. Mirëpo, unë e mendova dhe vendosa se ishte momenti i duhur për t’u larguar.
