Partia Demokratike zyrtare vijon të prodhojë histori përplasjesh, ndërsa Lulzim Basha po kërkon të marrë drejtimin e saj me çdo çmim.
Së fundmi një vendim i Kryesisë së PD-së zyrtare i ka hequr të drejtën e vulës Gazment Bardhit, Sekretar i Përgjithshëm.
Vendimi i Kryesisë ka ardhur pasi Bardhi paralajëmroi mbledhjen e Këshillit Kombëtar, për të anuluar procesin e zgjedhjeve më 29 korrik.
Me propozim të 1/5 së anëtarëve, kryesia ka vendosur që të ngarkohet Sekretari për Çështjet Ligjore dhe Zgjedhore, Indrit Sefa për prodhimin dhe administrimin e vulës së partisë.
Ky hap i mbështetësve të Bashës në kryesinë e PD-së vjen, pasi një grup deputetësh i kërkuan Gazment Bardhit që të ndalë zgjedhjet për kryetar në 29 korrik për shkak se sipas tyre rrezikohet përçarja e partisë.
Referuar raportimeve, mbi 279 anëtarë të Këshillit Kombëtar të PD-së kanë firmosur mbi një dokument që kërfkojnë anulimin e procesit të 29 korrikut, që konsiderohet anti-statutor dhe i paligjshëm.
Discussion about this post