Kryetari i Partisë Demokratike, Lulzim Basha, i është përgjigjur akuzave të ish-kryeministrit Sali Berisha, ku ky i fundit vazhdoi akuzat në Foltoren e Devollit për çështjen “Toyota Yaris”.
Në postimin e tij në Twitter, Basha shkruan se trillimet dhe shpifjet nuk e zgjidhin dot hallin e Sali Berishës, pasi ka vetëm një dosje, ka vetëm një çështje dhe ajo është çështja NON GRATA nga SHBA.
“Trillimet e shpifjet nuk e zgjidhin dot hallin e Sali Berishës. Ka vetëm një dosje, ka vetëm një çështje dhe ajo është çështja NON GRATA nga SHBA. Është kjo çështje që e detyron Sali Berishën të bjerë kaq poshtë me shpresën se do ta shndërrojë PD-në në mburojë të interesave personale. Nuk ka gjë më të ulët se të përdorësh demokratët dhe ndjeshmëritë e tyre si mish për top për hallin tënd personal” – shkruan Basha në Twitter.
Discussion about this post