Kreu i Partisë Demokratike ka folur për mediat menjëherë pas takimit që zhvilloi ditën e sotme në Selinë Blu me grupin e punës për procesin e zgjedhjeve te kryetarit te ri të FRPD-së.
I pyetur nëse hapja e garës për kreun e ri të FRPD-së ka qenë një formë hakmarrje ndaj Belind Këlliçit, i cili ka vendosur t’i bashkohet Foltores së Berishës me të rinjtë e PD-së ditën e diel, Basha deklaroi se kjo është e pavërtetë.
Sipas Bashës, ai nuk po bën gjë tjetër veçse po respekton statutin duke hapur garën një anëtar një votë për kreun e ri të FRPD-së, pasi mandati i Këlliçit ka përfunduar.
Në këtë mënyrë, Lulzim Basha i është përgjigjur akuzave të Belind Këlliçit, i cili një ditë më parë tha se Basha ka shkelur statutin me çeljen e garës pa pyetur forumin.
Në fund të intervistës, Basha lajmëroi se javën e ardhshme do të vijojë puna për të shtuar në ligjin anti-mafia disa nene kundër oligarkëve
Discussion about this post