Anëtari i Komisionit të Rithemelimit, Edmond Spaho, ka reaguar lidhur me mbledhjen e sotme të grupit parlamentar demokrat, ku në shumicë dërrmuese i kanë kërkuar Lulzim Bashës të lirojë karrigen e kreut të partisë. Duke e quajtur si përçarës dhe humbës, Spaho shkruan se pakica nuk i imponohen dot shumicës dhe se e vetmja zgjidhje është vota e lirë.
“Lulzim Brava vazhdon të çudisë. Megjithëse i shkarkuar në 11 Dhjetor, i braktisur nga shumica absolute e demokratëve dhe zgjedhësve shqiptarë, ai vendos kushte, në tentativë për të ruajtur vulën dhe përfitimet ekonomike dhe financiare që ia jep bashkëpunimi me Ramën. Përçarësi dhe shkatërruesi i PD nuk mund të japë zgjidhje. Humbësi serial dhe pakica nuk i imponohen dot shumicës. Bashkimi dhe forca e PD vjen vetëm nga vota e lirë. Bravën nuk e shpëton dot asnjë makinacion” – shkruan Spaho në Facebook.
Discussion about this post