“Basha ik”, mbështetësit e Berishës e presin me pankarta “non grata” në Fier

Kreu i Partisë Demokratike, Lulzim Basha ka mbërritur në teatrin “Bylisi”, në Fier ku pritet të zhvillojë një takim me demokratët. Jashtë dyerve të teatrit ai është pritur me thirrjet “Basha ik” dhe pankarta non grata nga mbështetësit e ish-kryeministrit Sali Berisha.

Uniformat blu kanë ndërhyrë dhe kanë bërë gardh nga protestuesit për të mos lejuar të shkaktohet ndonjë incident i mundshëm dhe të vihej në rrezik jeta e kryedemokratit.

Nga ana tjetër Berisha do të mbajë sot rreth orës 11:00 një takim me qytetarët dhe simpatizantë në qytetin e Shkodër. Aty demokratët kanë filluar të mblidhen në Pallatin e Sportit në orën 11:00, për të përkujtuar 31 vjetorin e krijimit të PD në këtë qark.