Replikat mes Bashës dhe Ramën vazhdojnë akoma në seancën plenare. I revoltuar nga reagimet ironike të kryeministrit, Basha ka kërcënuar duke i thënë të mos merret me PD dhe as të mos e çojë më ndërmend të matet me ta.
Sakaq, ai i ka tërhequr vëmendje kryeministrit për fjalorin e tij , duke i thënë se atë lloj komunikimi mund ta përdor vetëm në shtëpinë e tij, por jo në Kuvend. “Para se të përgjigjem me shifra, jo nga tigri i gënjeshtrave, dua të them që zonja drejtuese e kësaj seancë se nuk duhet të ndiqni standarde të dyfishta në këtë sallë. Është herë e disatë që fyen Opozitën dhe kush fyen. Zonja në fjalë që fyeve është doktoreshë shkencash kur ti bredhjeve urave të Parisit, kujdes kur matesh me ne, jemi gjeneratë tjetër ne, vijmë nga botë tjetër.
Këtu na ka sjellë dëshira për të përmirësuar Shqipërinë. Je gropa e Hajdin Sejdisë, ata që të takojnë nuk t’i thonë këto gjëra për etikë. Ti je bosh, ti je bosh je një zero një hiç dhe dëshiron të merrem 20 minuta me ty. Të tillë të ka prodhuar vetvetja. Ti je taksa e shpagesa për mëkatet e etërve tanë dhe për Partinë Demokratike, për një pjesë”, tha ai.
Sakaq, Basha ka akuzuar Ramën se përdor qëllimisht një fjalor rrugësh në Kuvend dhe për këtë kërkoi qe kryetarja e Kuvendit të marrë masa.
Discussion about this post