Në mungesë të kryeministrit Edi Rama ka qenë ministrja e Shtetit për Marrëdhëniet me Parlamentin, Elisa Spiropali që i është përgjigjur fjalës së kreut të PD, Lulzim Basha për qëndrimin e qeverisë ndaj sulmit rus.
Nga Kuvendi, Spiropali theksoi se qeveria shqiptare do të qëndrojë në krahë të vendeve partnere në BE, NATO-s dhe SHBA-së sa i përket qëndrimit të saj në këtë situatë të paprecedentë në Ukrainë. Ndër të tjera, ajo theksoi se Shqipëria dënon rëndë agresionin rus që cënon sigurinë në Evropë.
“Jemi dakord me qëndrimin e opozitë dhe u siguroj se qeveria shqiptare dhe shteti shqiptar janë pranë anëtarëve tonë në NATO dhe janë në koordinim të vazhdueshëm me partnerët tanë për këtë agresion të papranueshëm të Rusisë ndaj Ukrainës. Shqipëria është një ndër 44 shtetet që ka nënshkruar Samitin e Krimesë jemi bashkë dhe nuk ka asnjë arsye për të vënë në dyshim qëndrimin e Shqipërisë krahë, SHBA-së, NATO-s dhe Kombeve të Bashkuara dhe të gjithë forcave që janë të alarmuara nga ky agresion që cënon sigurinë në Evropë”, ka thënë ajo.
Discussion about this post