Me vendimin për përjashtimin e Sali Berishës, Lulzim Basha ka kryer të njëjtin veprim që Sali Berisha kreu 30 vite më parë. Po cfarë ndodhi 30 vite më parë dhe cfarë bëri Sali Berisha pikërisht në vitin 1992?
Pikërisht në vitin 1992, kreu i opozitës Sali Berisha përjashtoi me vendim personal deputetin Gramoz Pashko. Pas këtij përjashtimi, ky i fundit krijoi një grup të ri me Neritan Cekën dhe e quajti Aleanca Demokratike. Për disa vite ai qendroi i ndarë nga partia demokratike, për t’u ribashkuar në vitin 2005.
Ndërsa, sot 30 vite më pas këtë veprim ndjek edhe kreu i opozitës Lulzim Basha duke përjashtuar ish liderin historik nga grupi parlamentar. Por, Basha mbajti përgjegjësinë për vete duke deklaruar se nuk do e kalojë në votim, me pretekstin se partia demokratike do të përcahet.
Berisha pas këtij veprimi të Bashës ka deklaruar se nuk do të krijoj një grup të ri, por do të vazhdoj betejën për të riktyer sovranitetin e PD.
Madje, në daljen e tij për media , ai ka artikuluar dhe doreheqjen e liderit të sotëm të opozitës, duke u shprehur se duhet të kishte dhënë dorëheqjen pesë herë para se të vriste sovranitetin e PD.
Kujtojmë që ditën e nesërme nis punën Parlamenti i ri, ku duket se këtë sezon PD do të futet më e përcar se asnjëherë. Berisha nuk do të ketë “hijeshi” e dikurshme, duke qenë kësaj rradhe i padëshiruar nga të gjithë, si nga opozita dhe mazhoranca.
Ndërsa, Lulzim Basha “vrau” babain dhe liderin historik të partisë demokratike, shumë zëra janë kundër tij, ndërsa do të pritet të shihet se cfarë do të ndodh pikërisht ditën e nesërme.
