Lulzim Basha ka dalë sot në një deklaratë për mediat, ku ka folur për protestat që po zhvillohen dhe tha se dënon veprimin e policës për arrestimin e protestuesve. Sakaq, ai tha se kjo situatë nuk ka lidhje me luftën, por qeveria rrit çmimet pasi pasurohet vetë dhe mbush xhepat e atyre që bashkëpunon. Por, pavarësisht pyetjeve të gazetarëve për situatën në PD dhe hapat që do të marrë ai, Basha nuk dha asnjë përgjigje. Kryedemokratiti iu shmang çdo pyetje politike dhe tha se do të flasë pas mbledhjes së grupit parlamentar.
“Dënoj dhunën që është ushtruar ndaj protestuesve. Dua të vë thekson se qytetarët po paguajnë më shumë se çdo vend tjetër. Nuk duhet ta kalojnë topi. Është e lehtë të bësh sikur po zihesh me ta. Por duhet të shohim se me rritjen e çmimit të naftës rriten të ardhurat e qeverisë, të oligarkëve, nga kjo u vërtetua se afera të tilla, po bëhen si me aferat e inceneratorëve. Për shkak të sistemit të taksave janë rritur çmimet, dhe qeveria në vend të që të shtojë ndihmën ndaj qytetarëve, rrit barrën mbi tyre. Pasi me këtë taksim, qeveria rrënon familjet në nevojë dhe mbush xhepat e biznesit të madh”, u shpreh Basha. Ndërsa i kërkoi policisë të lirojë të arrestuarit nga protesta.
Discussion about this post