Tirana është pushtuar nga tifozët hollandezë dhe italian për finalen e Conference League, por ish-kryetari i Partisë Demokratike, Lulzim Basha si një ish-student hollandez nuk i është bashkuar ndeshjes. Basha ka zgjedhur Dajtin, me drejtuesit e degëve të PD-së të cilët nuk i njohin zgjedhjet e organizuara nga Rithemelimi. Në një foto të publikuar nga Dashnor Visha kreu i degës nr.6 Tiranë sapo ka publikuar foton e këtij takimi të mbajtur në Dajt.
Ndërsa kryetarja e degës nr.2 Tiranë, Mirlinda Çollaku ka shkruar se një ditë me diell, mes miqsh demokratë, ku kemi folur për sfidat e kaluara dhe ato që na presin
“Një ditë me diell, mes miqsh demokratë, ku kemi folur për sfidat e kaluara dhe ato që na presin, dhe me vullnetin e pandryshuar se ditë më të mira do vijnë patjetër për PD dhe Shqipërinë” -shkruan Çollaku.
Prej momentit kur iku si kryetar i PD, Lulzim Basha, tashmë deputet i PD, shfaqet në takime të ndryshme me mbështetësit e tij. Basha pothuajse është tërhequr fare nga debatet politike, në të cilat është angazhuar Enkelejd Alibeaj apo Gazment Bardhi.
Discussion about this post