Gjatë zhvillimit të mbledhjes së Këshillit Kombëtar të PD që ka nisur që në orën 15:30 të ditës së sotme, kryetari Lulzim Basha mësohet të ketë thënë se nuk do kishte përjashtime të bëra nga ana e tij por masa e marrë do të ishin shkarkimet. Ai ka thënë, se masat e marra mbrëmë nga kryesia, por edhe ata që janë propozuar për sot, nuk janë masa përjashtimi, por shkarkim nga funksionet për shkak të dhunimit flagrant të statutit me pasoja për PD.
“Ka qenë zotimi im i parë si kryetar i PD, që s’do ketë kurrë përjashtim të propozuar nga unë. As unë e as ju nuk mbajmë njerëz me forcë. Ndaj dhe masat e marra mbrëmë nga kryesia dhe masat e propozuar sot, nuk janë masa përjashtimi por shkarkim nga funksionet për shkak të dhunimit flagrant të statutit me pasoja për PD”, është shprehur Basha në Këshillin Kombëtar.
Discussion about this post