Në të njëjtën kohë, kur Partia Demokratike publikoi listën e qendrave të votimit ku do të zhvillohet procesi i zgjedhjeve për Kryetar, i cili do të mbahet ditën e nesërme, po atëherë edhe grupimi i Bardh Gazit ka shkuar ne Gjykatë.
Pas tensioneve mes grupimeve të Lulzim Bashës dhe Gazment Bardhit gjatë ditëve të fundit, ky i fundit i është drejtuar sot Gjykatës, për çështjen e anulimit të procesit zgjedhor.
Deputetët Lefter Gështenja dhe Bledjon Nallbati kanë depozituar një kërkesë në Gjykatën e Tiranës për heqjen e emrit të Lulzim Bashës si kryetar dhe Enkelejd Alibeaj si nënkryetar.
Deputetët kanë kërkuar zbatimin e vendimeve të Këshillit Kombëtar pasi mbrëmë ky organ i lartë i partisë ka pranuar dorëheqjet e tyre.
“Askush nuk ka të drejtë që të privatizojë Partinë duke e kthyer atë në një parti private. Anëtarët e PD kanë vetëm një synim se si të forcojmë PD. Kemi dorëzuar një dosje me të gjitha vendimet që kemi marrë në Këshillin Kombëtar”, tha deputeti Nallbati.
Ky hap vjen një ditë pas mbledhjes online së Këshillit së PD-së.
Discussion about this post