Lulzim Basha mblodhi ditën e sotme Këshillin Kombëtar. Në thelb të fjalimit të mbajtur prej tij ishte ringritja e Partisë Demokratike, si edhe nevoja për t’i dhënë shqiptarëve një opozitë të denjë dhe pa kompromis përballë qeverisë Rama.
“Respektuam vullnetin e degës së Kukësit për të mos nxjerrë kandidtatë sepse është faji jonë që u morëm me debate dhe jo ringrijten e PD-së. Kjo është hera e fundit që PD nuk ka kandidat në procese elektorale” kështu deklaroi kryetari i PD-së Lulzim Basha në fjalimin e tij në këshillin kombëtar.
“Të jemi në terren për të ringritur partinë” nënvizoi më tej Basha.
Përveç se do të konstituohet, Këshilli Kombëtar do të zgjedhë edhe Sekretarin e Përgjithshëm, nënkryetarët, sekretariatet dhe kryesinë e PD-së.
Sipas burimeve flitet që Enkelejd Alibeaj do të zëvendësoje Gazment Bardhin. Ndërsa për nënkryetarë përfliten emrat e Roland Bejkos dhe Flutura Açkës, teksa do të jenë 4 gjithsej.
Në mbledhje janë të pranishëm 246 anëtarë, çka do të thotë se është plotësuar kuorumi për vendimmarrje.
Propozimet
Xhemal Bushati – Kryetar i Këshillit Kombëtar
Enkelejd Alibeaj- Sekretar i Përgjithshëm
Nënkryetarë të PD
Flutura Açka
Kreshnik Çollaku
Orjola Pampuri
Roland Bejko
Jemin Gjana- Kryetar i komisionit zgjedhor
Discussion about this post