Kreu i opozitës, Lulzim Basha pasditen e sotme ka mbledhur Kryesinë e Grupit Parlamentar, ku do të diskutohet për qëndrimin brenda dhe jashtë Parlament.
Burime bëjnë me dije se në fokus të diskutimeve do të jetë Reforma Territoriale dhe ajo Zgjedhore.
Po ashtu ngitja e tri komisioneve hetimore për zgjedhjet e 25 prillit, çështjen Beçhetti dhe inceneratorët është deklaruar si prioritet nga Basha.
Basha më tej është shprehur se situate ekonomike është shumë e rendë, teksa theksoi se rritja e çmimeve ka bërë që shumica e familjeve të mos përballojnë dot as shpenzimet për ushqimet bazike.
Basha – deputetëve: Situata ekonomike është shumë e rendë. Rritja e çmimeve ka bërë që shumica e familjeve të mos përballojnë dot as shpenzimet për ushqimet bazike. Prandaj si masë emergjence do të kërkojmë uljen e TVSH-së për produktet e shportës, nga 20 në 6%. Buxheti, që sot përdoret për të nginjur klientët dhe oligarkët e pushtetit, duhet të orientohet një orë e më parë nga nevojat e familjeve shqiptare.
Basha: Prioritare ngritja e tre komisioneve hetimore.
1- Komision hetimor për Masakrën Zgjedhore, qe u konfirmua edhe nga raporti i OSBE/ODIHR . Parësore për këtë komision hetimor do të jetë vjedhja e të dhënave private dhe personale të shqiptarëve, keqpërdorimi i aseteve dhe funksioneve publike, abuzimi me fondet e rindërtimit për qëllime elektorale, abuzimi me legalizimet në këmbim të votës. Punësimet e paligjshme në administratën publike dhe blerjen e votës .
2- Komision hetimor për çështjen Becchetti. Lufta personale e Edi Ramës me sipërmarrëisn italian do t’u kushtojë qytetarëve më shumë se 120 milionë euro.
3-Komision hetimor për Inceneratorët, një aferë mafioze, kriminale që përfshin zyrtarët më të lartë të shtetit shqiptar. Kallëzimet tona penale vazhdojnë të zënë pluhur nëpër prokurori.
