Ka nisur zyrtarisht fushata për zgjedhjet e pjesshme vendore të 6 Marsit në 6 bashki të vendit që kishin mbetur pa kryetar. Kreu i PD e ka çelur fushatën nga qyteti i Shkodrës.
Në garë janë 20 kandidatë nga Partia Socialiste, Partia Demokratike dhe Koalicioni i Lirisë, ku përfshihen grupi i rithemelimit, LSI dhe PDK. Në dy bashki Durrës e Dibër futet në listë edhe partia “Lëvizja e Re”.
Në garë është kandidati Xhemal Bushati. Gjatë fushatës, fillimisht fjalën e ka marrë, vajza e tij, Genta Bushati, e cila i ka bërë thirrje qytetarëve shkodranë të votojnë babain e saj.
Sipas Gentës, Shkodrës duhet t’i rikthehet e ardhmja dhe të ofrojë mundësi që të gjithë të rikthehen në vendin e tyre.
“Është moment kritik, dhe këtë nëse nuk e ndjeni dot, shikoni përreth dhe numëroni të rinjtë që shikoni rrugëve të Shkodrës. Shkodra me të vërtetë është zonjë e rand‘ por kjo nuk do të thotë që duhet të lemë votrën të plaket e Shkodrën të vdesë. Shkodra duhet të gumëzhijë me zëra të rinjsh, Shkodrës duhet t’i rikthehet e ardhmja, Shkodra duhet të ofrojë mundësi që të gjithë të rikthehen në habitatin e tyre, Shkodra duhet të jetë jo vetëm votra e gjyshërve dhe muzika që mbajmë mend nga fminia, por duhet të jetë ndalesa, qendra, graviteti që na ripret tek rikthehemi edhe këtë herë me mundësi plot. Për mua ky duhet të jetë synimi i gjithësecilit kandidat, por e di të sigurtë që është premtimi i babës tim karshi meje”, ka folur ajo.
Discussion about this post