Ish-kryeministri Sali Berisha ka deklaruar në “Zonë e Lirë” se nëse Lulzim Basha nuk liron në mënyrë paqësore Selinë blu deri në datë 6 janar, atëherë në datë 8 janar 44 mijë demokratët që firmosën shkarkimin e tij do të marrin në dorëzim Selinë blu.
“Rikthimin tim nuk e parashikova në momentin e duhur. Një kryetar për herë të parë shkarkohet nga kryesia. Në 5 janar dëshiroj që nëse i ka ngelur një nanogram arsye, një grimë arsye, ai respekton vendimin e 44 mijë anëtarëve. Po se bëri, data 8 do jetë një datë proteste e fuqishme. Datë proteste kombëtare. 44 mijë anëtare të PD-së që firmosën të bëjnë historinë, do të marrin në dorëzim ndërtesën e PD-së” – tha Berisha.
Ndër të tjera, Berisha tha me tonë të larta se nuk ka asnjë njeri që të ndalojë vendimin e 44 mijë anëtarëve që votuan për të bërë historinë dhe për të shpëtuar pluralizmin.
“Nuk ka asnjë lloj diskutimi. Nuk ka njeri që këtë vendim mund ta pengojë. Shtymë kohë, i dhamë kohë. Vendimi dhe ekzekutimi i vendimit është pa apel. E ka vetëm anëtarësia. 44 mijë anëtarë do të vijnë te Selia për të shpëtuar pluralizmin politik. Selinë e mban Edi Rama peng. Zyrë nuk do të ketë Basha në PD, sepse asnjë deputet nuk ka zyrë. Ai do të respektohet si çdo deputet tjetër” – u shpreh Berisha.
Discussion about this post