Kreu i Partisë Demokratike Lulzim Basha ka pritur në takim kreun e PDK-së Memli Krasniqi, i cili prej ditës së djeshme ndodhet në një vizitë zyrtare në Shqipëri.
Në krah të Krasniqit, Basha shprehu vlerësime për kontributin e kësaj partie opozitare në Kosovës, ndërsa tha se të dy liderët kanë diskutuar për procesin e dialogut Kosovë-Serbi.
“Pata kënaqësinë e veçantë që t’i uroj mirëseardhjen, jo për herë të parë, por në këtë detyrë si kreu i PDK-së, Memli Krasniqit. Përgëzova PD e Kosovës për rolin e jashtëzakonshëm që ka luajtur në procesin e formimit të shtetit të Kosovës, si një opozitë konstrukti e në shërbim të qytetarëve të Kosovës. Folëm për zhvillimet e fundit, për dialogun mes qeverinë dhe Kosovës, ku PD qëndron në të njëjtin pozicion për objektivin e dialogut; njohja e ndërsjellët e shteteve. Ky është shans i mirë për të shtyrë para këtë dialog dhe për të parandaluar pengesat. Është barrë e madhe njohja e pavarësisë nga të gjitha vendet anëtare të BE. Do të shmangej çdo skenar që kërcënon Ballkanin, si në Bosnjë Hercegovinën. Lufta kundër korrupsionit janë prioritet dhe shërbimi më i mirë që i bëjmë vendeve tona. Shqipëria ka detyrë të përhershme, por në momentin aktual si anëtare e Këshillit të Sigurimit, të shtyjë para çdo aspekt që ka të bëjë me qytetarët e Kosovës”, tha Basha.
Nga ana e tij, Memli Krasniqi falënderoi Bashën për bashkëpunimin, ndërsa i uroi suksese liderit demokrat në zgjedhjet lokale të 6 marsit.
Discussion about this post