Për situatën në Partinë Demokratike, aktualisht të “ndarë” mes Sali Berishës dhe Lulzim Bashës, ish-presidenti i Republikës Bamir Topi shprehet se ai po sheh të përplasen kokë më kokë dy personazhe që nuk i kanë lënë shije dhe respekt në konsumin e marrëdhënieve të tyre politike.
Ai gjithashtu shtoi se marrëdhënien e ka pasur më të ngushtë me liderin historik, kurse Bashën e cilësoi si një produkt politik të Sali Berishës.
Sipas tij Basha erdhi dhe u mbajt nën kontrollin e Berishës, ndaj ai është mënyrë ekskluzive produkt politik i Sali Berishës.
Në një intervistë për ABC News, Topi, thotë më tej se në kohë që Basha u fut në PD, partia nuk ishte e strukturuar.
“Erdhi në 2005 kur kontributet në atë parti ishin të jashtëzakonshme. Duke marrë parasysh kontributet në opozitë të PD.
Partia ishte e strukturuar. Vinte nga një betejë e strukturuar opozitare.
Unë kam qenë kryetar i Grupit Parlamentar. U futëm në një marrëdhënie substannciale të të bërit politikë, duke respektuar audiencën dhe mjedisin parlamentar.
Erdhi viti 2005, erdhi Lulzim Basha dhe të tjerë por dalloi Lulzim Basha. Aty u përdor futja në struktura nëpërmjet një strukture puro politike. Komiteti i Orientimit të Politikave vinte si një lloj ekspertize. Më pas pati disa poste si ministër”, ka thënë Topi.
Nga këndvështrimi i Bamir Topit, drama e madhe e liderit historik të PD është se po sheh veten politikisht të vrarë nga krijesa e tij. Ndërsa, i pyetur se kë do të zgjidhte ai për në krye të PD, ish-presidenti thotë se Berisha dhe Basha janë bashkëfajtorë dhe bashkëvuajtës të situatës.
