Partia Demokratike që prej orës 11 të mesditës po zhvillon mbledhjen e grupit parlamentar, Ndërsa kryetari i Partisë Demokratike ka folur për situatën në PD dhe hapat që do të marrë ai, pasi një pjesë e të cilëve kërkojnë dorëheqjen e tij pas humbjes së zgjedhjeve të 6 marsit.
Gjatë mbledhjes, Basha ka thënë se duhet që të gjendet një zgjidhje në interes dhe në të mirë të PD-së dhe jo të Bashës dhe Berishës.
“Shpreh gatishmërinë time si kryetar i PD për të ndërmarrë çdo hap që i shërben PD, çdo hap pa përjashtim, pa paragjykim. E rëndësishme të kuptojmë situatën dhe të ofrojmë zgjidhje. Një zgjidhje që i shërben PD dhe gjithë demokratëve jo interesave personale as të miat, as të Sali Berishës, as të askujt tjetër”, ka deklaruar Basha.
Gjithashtu Basha theksoi se duhet që të rikuperohet çdo hap i gabuar i hedhur nga ato dhe që përgjegjësinë kryesore e mbaj unë.
“Të gjithë demokratëve tu shërbejë në një mënyrë të thellë që t’i bashkoje, t’u kthejë besimin dhe të shtrihet tek shumica e shqiptarëve. Ky duhet te jetë qëllimi ynë. Të kapërcejmë vetveten, duke e nisur nga unë i pari, të gjejmë një zgjidhje, të rikuperojmë gjithçka, përfshirë edhe disa nga hapat e gabuar që mund të kemi hedhur në të kaluar. Kur themi mund te kemi hedhur, përgjegjësinë kryesore e mbaj unë”, ka thënë Basha
Discussion about this post