Kryetari i Partisë Demokratike, Lulzim Basha është pyetur në lidhje me emrat që janë bërë publike, si persona me precedentë penalë dhe që shoqërojnë Sali Berishën. Një prej tyre është Myftar Lumneshi, të cilin krahu i djathtë i Bashës, Gazment Bardhi, e akuzoi si pjesë të një grupi kriminal “B9” të skeduar në Angli.
“Kemi bërë publike atë që shqeu derën, kemi zbuluar që është i dënuar në Angli, ka pasur disa të tillë brenda oborrit të PD. Dua ta izoloj partinë nga këta persona. Bardhi publikoi një tjetër person që gjendet në listën e B-9, grup i strukturuar kriminal.
Disa prej këtyre paskan foto me mua? Politikanët bëjnë foto me shumë persona, dhe që nuk i njohin. Por cili është politikani që i përdor? Berisha i përdor për këta, PD është e mbyllur dhe hesapet i kanë me drejtësinë” – tha Basha.
Basha më tej tha se askush nuk do ta marrë Partinë Demokratike për interesa personale.
“Është detyra e drejtësisë ti administrojë. Në emër të PD dhe demokratëve përsëris para shqiptarëve që askush nuk do ta marrë këtë parti për interesat e tij. Gjithçka që ne disponojmë dhe drejtësia disponon duhet ti shkojë deri në fund drejtësia. Një pjesë e tyre kanë qenë në PD, por ne nuk e kemi njohur mirë Berishën jo me trafikantet dhe kriminelët. Unë jo vetëm ndje përgjegjësi, por edhe kam përgjegjësi dhe është pjesë e reflektimit tim” – tha Basha.
Ndërsa i pyetur se ku do të jetë në 8 janar, ditën kur Berisha ka thirrur protestë para selisë blu, Basha u përgjigj se do të jetë në zyrën e tij dhe do të vazhdoj punën.
Discussion about this post