Lulzim Basha ka bërë një ndarje të qartë mes tij dhe Edi Ramës. Basha tha se PD nuk i vesh kriminelët me kostum për ti emëruar si kryebashkiakë.
PJESË NGA FJALA E BASHËS:
Programi ynë ishte i detajuar dhe me në qendër familjen shqiptare. Një program që ka në qendër zhvillimin, ne qëndruam afër shqiptarëve, studentëve, gazetarëve, artistëve dhe intelektualëve, ne nuk lejuam që mjegulla e propagandës të na largonte nga njerëzit. Shqiptarët e dinë se problemet e kanë zanafillën te lufta jonë, te zgjedhjet dhe drejtësia. Pa u fituar kjo luftë, çdo përpjekje do të jetë e kotë. Një shtet që ua merr frymën dhe i lë pa të ardhura. Ne kemi luftuar kundër padrejtësive që iu janë bërë shqiptarëve. Kemi treguar forcën dhe gatishmërinë tonë. Për një politikë për njerëzit. Hymë në këtë betejë pa asnjë pushtet por vetëm me bashkimin tonë. Përkundër makinerisë gjigante, qytetarët na besuan. Besimi u faktua në betejat që kemi bërë për interesin publik, betejat tona kanë qenë të drejta. Kemi qenë dhe jemi zëri i njerëzve dhe koha na ka dhënë të drejtë. Kemi denoncuar planin për kthyer Shqipërinë në Kolumbi, vranë garën e ndershme me miliona euro të krimit. Jemi ne që luftuam kundër kriminalizimit të politikës, ne se veshim kriminelin me kostum dhe ta fusim në bashki. Ne e dimë që kur ky tumor hapet në të gjithë trupin, pushteti su përket qytetarëve por ortakëve të Edi Ramës.
