Gjatë takimit me drejtues të njësisë 8 të PD në kryeqytet, kryedemokrati Lulzim Basha foli për luftën e brendshme në PD dhe përplasjet me ish-kryeministrin Sali Berisha.
Basha tha se Berisha për karrigen e tij ishte gati t’i vinte flakën shtëpisë referuar këtu protestës së 8 janarit dhe dhunës së ushtruar nga mbështetësit e Berishës ndaj godinës së selisë blu.
“Qëllimi i tyre është ta mbajnë Shqipërinë kështu. Faktori ndërkombëtar është vetëdijësuar për faktet e masakrës zgjedhore. Kush ka hesape me drejtësinë mendon se mund të shpëtojë. Këto janë të vërtetat e fundit të një politike që i ka lodhur njerëzit. I ka bërë të humbin besimin te politikbërja. Shikoni çfarë ndodhi brenda shtëpisë sonë. E gjitha gjoja filloi për arsye parimore por paska qenë për hallin e Sali Berishës. Ai bashkë me një grusht njerëzish për karriget e tyre janë gati t’ia vënë zjarrin shtëpisë së tyre”, tha Basha.
Basha u shpreh se lufta nuk bëhet duke vënë demokratët përballë njëri tjetrit dhe këtë sipas tij e faktoi më së miri protesta e 8 Janarit duke i hapur sytë të gjithëve se kush do të mirën e PD.
Discussion about this post