Lulzim Basha duket se e ka marrë seriozisht garën për kreun e Partisë Demokratike zyrtare, zgjedhje që do të mbahen më 29 korrik, në një kohë kur shumica e deputetëve demokratë, kundërshtojnë procesin zgjedhor.
Në garën formale janë dy kandidatë: Lulzim Basha dhe Gjergji Hani. I pari dha një dorëheqje formale në mars të 2022 pas presioneve nga grupi i deputetëve, por edhe rezultatit katastrofik që mori në bashkitë ku në 6 mars të vitit të shkuar u mbajtën zgjedhjet e pjesshme vendore.
Ndërkohë që pas më shumë se 1 viti heshtje, Basha nisi një tur takimesh, ku shpalosi idetë e tij lidhur me ndryshimet kushtetuese, dhe që duket se do të përmbyllet me marrjen e postit të kryetarit të PD-së zyrtare.
Takimin e parë në kuadrin e zgjedhjeve të brendshme, Basha ka menduar ta zhvillojë në Tiranë, në degën nr 4, për të vijuar më pas po në Tiranë me të tjera degë.
Discussion about this post