Edhe pse ish-kryeministri Sali Berisha ishte ditën e sotme në selinë e Partisë Demokratike, nga ana tjetër kreu i Partisë Demokratike, Lulzim Basha ndodhen të dy në selinë blu, ku po mbajnë mbledhje në dy salla të ndryshme të godinës.
Pas hyrjes në selinë blu, ish-kryeministri Sali Berisha ka konstatuar se Basha i ka marrë të gjitha karriget e sallës.
“Çmenduria e peng-Bashës për karriget ka kufi vetëm qiellin. I ka marrë të gjithë karriget në zyrën e tij. Se nuk i mungonte vetëm karrigia e tij” – tha Berisha.
Ndërkohë Partia Demokratike bëri me dije se po zhvillohet një takim për raportimin e Grupit të Punës për zgjedhjet në FRPD, ku i pranishëm edhe kryedemokrati Basha.
Lëvizja e Berishës vjen dy ditë pasi delegatët e Kuvendit të thirrur prej tij vendosën shkarkimin e kryetarit Lulzim Basha, por pritet një votim edhe nga anëtarësia në referendumin e të shtunës.
Discussion about this post