Në një intervistë për mediat, kreu i PD-së, Lulzim Basha ka shkuar edhe më tej duke paralajmëruar përjashtime të tjera, një ditë pasi vendosi përjashtimin përgjithmonë nga partia të Sali Berishës dhe 8 anëtarëve të Komisionit të Rithemelimit. 19 anëtarëve të Komisionit të Rithemelimit të pezulluar nga anëtarësia si dhe nga funksionet e tjera në parti, Basha u kanë dhënë një shans të fundit.
“Nuk ka dritë jeshile për asnjërin. Të gjithë janë përjashtuar nga Partia Demokratike. Të pezulluarit kanë një mundësi të distancohen nga dhuna dhe distancimi i tyre nga dhuna do të vlerësohet nga institucionet e partisë. Mosdistancimi i tyre deri në këtë moment flet qartë për fajin e tyre” – u shpreh Basha.
Basha u shpreh se në rast se ata do të distancohen nga dhuna e protestës së 8 janarit në selinë blu, do ketë një vlerësim tjetër për ta nga institucionet e partisë. Në të kundërt kreu i PD tha se mosdistancimi flet qartë për fajin e tyre, duke nënkuptuar përjashtimin e përhershëm.
“Përveç Berishës, përjashtimi i menjëhershëm nga PD, prek dhe 8 emra të tjerë, mes të cilëve edhe ish presidentin Bujar Nishani apo dhe tre deputetët Flamur Noka, Edmond Spaho dhe Albana Vokshi. Ndërsa për 19 të tjerë, është vendosur pezullimi i menjëhershëm nga anëtarësia si dhe nga funksionet e tjera në parti. Vendimi u mor nga kryesia e kësaj partie më 11 janar, si përgjigje ndaj ngjarjeve të 8 janarit, kur selia e PD-së u sulmua nga mbështetësit e Berishës duke shkatërruar dhunshëm një pjesë të mirë të mjediseve të saj” – u shpreh Basha.
Kujtojmë se të pezulluarit janë Agron Shehaj, Aldo Bumci, Belind Këlliçi, Blendi Himçi, Clirim Gjata, Edi Paloka, Edith Harxhi, Eno Bozdo, Ervin Minarolli, Genc Deromemaj, Genc Pollo, Gent Strazimiri, Ivi Kaso, Ledina Mandija, Lorenc Luka, Luan Baçi, Mimoza Hajdrmamataj, Oerd Bylykbashi dhe Tritan Shehu.
Discussion about this post