Basha pas vendimit të Kryesisë: Kuvendi mbahet më 18 dhjetor, nuk lejojmë të merret peng PD

Kryetari i Partisë Demokratike, Lulzim Basha foli për mediat pas miratimit nga Kryesia të kërkesës së tij për mbajtjen e Kuvendit më 18 dhjetor.

“Kuvendi Kombëtar do të mbahet më 18 dhjetor dhe jam krenar për vendimin e Kryesisë pas pothuaj 6 orësh diskutimesh, dua t’i falënderojë të gjithë pavarësisht prej mendimeve apo votës së tyre për përkushtimin që demonstruan dhe për legjitimimin e plotë të besimit që u kanë dhënë demokratët. Një parti, një kuvend më 18 dhjetor dhe e sigurt është që nuk do të lejoj askënd ta mbajë Partinë Demokratike peng. Ju faleminderit!” – ka thënë Basha.

Kujtojmë se ditën e sotme ka pasur debate të forta në kryesinë e Partisë Demokratike, mes deputetëve mbështetës të Foltores së Berishës dhe mbështetësve të Bashës.