Basha për Veliajn: Janë bërë si mafiozë që kërcënojnë njëri-tjetrin

Lulzim Basha ka reaguar në lidhje me kërcënimet që ka bërë sot Erjon Veliaj në drejtim të Edi Ramës për shkak të drejtorëve të arrestuar.

Basha: Janë bërë si kartelet e mafias, që dalin e kërcënojnë njëri-tjetrin nga frika se po u vjen radha. Fillimisht dilte koka e peshkut të qelbur. Tani del koka e cironkës po aq të qelbur sa peshku. E në fund së bashku me patericat e tyre synojnë t’i bëjnë presion dhe kërcënojnë SPAK-un. Fundi i pandëshkueshmërisë është dita e parë e demokracisë së vërtetë për shqiptarët. Prandaj, sot është jetike të ndalen duart e pista që, në pazare me njëri-tjetrin, kërkojnë të vënë nën kontroll SPAK-un.